«Qazaqstan men Reseı strategııalyq seriktes elder, sonyń ishinde qylmystylyqqa qarsy is-qımyl máselesinde», dedi Q.Qojamjarov.
О́z tarapynan A.Bastrykın ekijaqty yntymaqtastyqtyń tarıhı ereksheligin atap ótti. «Tergeý komıtetiniń 11 jyldyq qyzmetinde aramyzda naqty qarym-qatynasty ornattyq. Olar negizgi tájirıbelik tergeý baǵytynda júrgiziledi», dedi ol.
Qazaqstannyń Bas prokýratýrasy sońǵy 5 jylda Reseıden suratylǵan tulǵalardy berý týraly 131 ótinishhatty qanaǵattandyrdy. Al Reseı jaǵy 272 azamatymyzdy elge ekstradısııalady.
112 sottalǵan qazaqstandyq jazasyn odan ári qaraı elde óteý úshin Reseıden aldyryldy. О́z kezeginde Qazaqstannan Reseıge 242 azamat qaıtaryldy.
Kezdesý barysynda taraptar Qazaqstan Respýblıkasynyń Bas prokýratýrasy jáne Reseı Federasııasy Tergeý komıtetiniń arasyndaǵy yntymaqtastyq týraly Kelisimge, sonymen qatar «Baıqońyr» kesheni aýmaǵyndaǵy ózara qatynas jónindegi Kelisimge qol qoıdy.
Taraptar birinshi Kelisim aıasynda qylmystylyqqa qarsy is-qımyl kezinde, qylmystardy ashý men tergep-tekserý barysynda ádis-tásildermen bólisýge, sonyń ishinde terrorıstik, ekstremıstik jáne sybaılas jemqorlyq, ekonomıka men joǵary tehnologııalar baǵytynda tájirıbe bólisýge kelisti.
«Baıqońyr» kesheni aýmaǵyna qatysty yntymaqtastyq týraly Kelisim azamattardyń quqyqtary men bostandyqtaryn qorǵaýdy qamtamasyz etýde, qylmystyq ister boıynsha aldyn ala tergep-tekserýdi júrgizýde Qazaqstan-Reseı seriktestigin odan ári nyǵaıta túsedi.
«Sapar barysynda jasalǵan Kelisimder bizdiń yntymaqtastyǵymyzǵa jańa serpin berip, búgingi kúnniń qaýip-qaterine tótep berýde kúshimizdi arttyrady», dep óz sózin qorytyndylady Qazaqstannyń Bas prokýrory.
«Egemen-aqparat»
